السلام علاكم ورحمة الله وبركاته
اتركم مع القصيده واتمنى تنال اعجابكم
,,,
من كثر ما أحبك مابقا أحباب = ومن كثر ماذكرتك صرت تنساني
مابقا للحبايب سالفه وعتاب = صار سيفي غلاك وأنت ميداني
ياصحيبي ترا ماتنفع الأصحاب = شوفني بالمساري صرت وحداني
لا تزيد البلا ياكسب الأعجاب = دام تدري أحبك ليه تجفاني
ماخبرت الظبي يفرس بسن وناب = وانت ماكل خفوقي معه شرياني
كان تبغا فراقي عطني الأسباب = ليه تبغا فراقي وانت تبغاني
أنت حاله غريبه تسبي الالباب = كم جيتك بوضح مير ممداني
روح والله حسيبك دام طيفك غاب = راح قلبي معا فرقاك مجاني
شفت كل الذي حولك من الأقراب = ماتمنوك مثلي وأنت خسراني
من كثر ما أحبك ما بقا أحباب = ومن كثر ما فقدتك صرت وحداني
..
وسلامتكم
محمد البراق
,,