،
،
شفتك وأنا مشتاق / ولهان / ملهوف
مسميّات ،،، شعور قلبي عديده
عيت عيونك ترحم الحال ، وتروف !
عيّت تجي وياي " جملة مفيده "
جمّعت من كلماتك العذبه ، حْروف
وركّبتها ، صارت ، قصيدة جديده
سولف وأنا أسولف وسولف لي وشوف
بكتب سواليفك ، قصيدة قصيدة !
،
،
،
وش فيك ضايق والسبب كله ، ظروف !
نريد .. ! والله يفعل إللي يريده
إرضى ولا تزعل ، ولا يسكنك خوف !
ولا تحركْكّ ، الرياح الشديده
ما كل من يبعد عن السمع والشوف
ينقص غلا ، بالعكس ! يمكن يزيده
إي والله آحبك وبحبك / وسوف !
أبقى معك ،،، والشعْر ، بفكّ قيده !
مشكور كانك فيّ ، سويت معروف
هيّضتني ،،، وحروفي المستفيدة
،
،