،،
(( لله درك يابومناحي ))
تصنّع البسمه إليا ضقت ،، والوقت دار
لوّك تعيش بنكد ،،، تخيل إنك بترف
هذا أنا لا تصنعت إللي أبغاه ،، صار !!
لو كنت منت إتعرف ،، تخيل إنك إتعرف
ياصاحبي والصغار كبار ،، عند الصغار
وإلا الجبل ،، لو يجيه السيل ،، ماينجرف !!
والرجل لو تفرض همومه عليه الحصار
غلطان ،، لا من تجاهلها ،، وغض الطرف
عندك خيارين ،،، لكن مالك إلا إختيار
أما تقوم بشرف ،،، ولا تطيح بشرف !!
دام الصراحه من أطباع النفوس الكبار
إليا إنتصرت إفتخر ،،، وإليا إنكسرت إعترف
،،
لـ محمد المسعري
،