بدون مقدمات فهذه الصوره والقصيده تعبر عن نفسها ...!!
في زمان الضماء والمهمهيـه=نرجي النور مـن ليـل العتـم
في زمن ضعف وعزومن رديـه=صرخةٍ مالقـت لـه معتصـم
ينادي القدس وين اهل الحميـه=ويصرخ اطفال وين اهل الشيـم
وين الاسـلام ويـن اليعربيـه=وين هالعالم وين اهـل الذمـم
وينكـم ياهـل النفـس الابيـه=من صلاح الدين واصحاب الهمم
وين مليارعن اشـرف قضيـه=طالت وطولـت ويـن الحسـم
قصة القدس صـارت سرمديـه=مانفع شجـب وأحـراق العلـم
وين من ينطق الكلمه الجريـه=يوم صهيـون عربـد وقتحـم
اولـى قبلاتنـا ومعـرج نبيـه=صـار لعبـه بيديـن الـرمـم
جيش صهيون في يده الدنيـه=دنس القدس وين اهـل القيـم
يقصـف بطايـرات ومروحيـه=يقصف الشعب الاعزل ويهـدم
يزهق ارواح ونفـوس ٍ بريـه=يوجـع الكبـد ويجيـب الألـم
نسوه وكهل واطفـال الضحيـه=وينهـا وينهـا هيئـة أمــم
الى متى ذل وضلم وعنجهيـه=واحقر الخلق هو اللـي ضلـم
الى متى العرب في نومه هنيـه=تغرق بنـوم وسبـات ووهـم
الى متى احلامنـا هالنرجسيـه=الى متى فبوش راجين العشـم
لعنبـو هاالسياسـات الغبيـه=لامتـى ودمنـاء تحـت القـدم
تذبـل بكفنـا غصـون ٍ نديـه=نرتجـي ري بـوش المحتـرم
منهو الجاني ومنهو الضحيـه=ومنهو المعتدي ومنهو الخصـم
ومنهو اللي خذا خاطر خويـه=ليـن الاقـزام وصـلـو للهرم
الكرامه تبـي وقفـه عصيـه=قدم وجه العصي مهمـا عضـم
يكفي نصافـح ايديـن ٍ خزيـه=لطخت في دماء اطفال الحـرم
نرتجي من شموس القيض فيه=نرتجي منهـم عطـف ورحـم
مابهـا النارللضميـان مـيّـه=ضحكت السـن يتبعهـا سهـم
يعاهـدون ولهـم الفيـن نيـه=بنقضت العهد عرفو مـن قـدم
لعنـو بكتـاب خـلاق البريـه=الله اعلم وهـو افضـل حكـم
والعذر منك يـا غـزة السبيـه=الهمـم غيـر هذيـك الهـمـم
مالنـا الأ نــدن الهاشمـيـه=عقـب مانكسـو روس القمـم
اتمنى ان نكون وفقنا في اختيار هذه القصيده في هذا الوقت
وهذا ولكم مني أطيب وأرق تحيه ..!!