يازايره .. ما اظن الاخلاق زينه=وانتي غيابك شي ماهوب معقول !
كان الهوى عاكس مسار السفينه=ماني بـ.. قايل غير لا حول لا حول
فقدت بعدك .. كل لحظه ثمينه=يا أثمن من المرجان والدر واللول
ما تعلق الا الذكريات الحزينه=في ذاكرة من يرتجي ( حلم مقتول )
وانا تراي .. اللي قبل تعرفينه=ما مرّ تقويمي .. حزيران وايلول
شاعر .. ولا احب ايتكيت المدينه=لو في المدينه دايم اصول واجول
حتى قدرتي .. حالي تغيرينه=يامبعثرتني .. رتبيني ( على آصول )
لكن غيابك .. شي ديني ودينه=عزالله ان الوضع ماهوب مقبول
مسنجري .. غشت عليه السكينه=وانا بعد مثله ولاعندي حلول
والمنتدى : اللي كل يوم ٍ تجينه !=من يوم غبتي عنه سكّر على طول