|
طـــــــــــــــــلاســـــــــــــم
تصدق نظرتك تسحر وتذبح وانت ماتدري=لو ان عيونك تناظر عيونك شفت برهانه
تشوف الموت منك لك عذابٍ يذبحك بدري=وتعذر لهفة البحار لامن شا ف له دانه
عشقتك 00عشقة الالحان لصوت النايح القمري=تمايل بالطرب يسجع الى مالت به البانه
عشقتك ياغريب الشوق اتبع نظرتك واجري=غابة موحشة تذهل فهيمٍ ضيّع اشجانه
تناظرني وانا وقفت وحالي ناحلٍ مبري=اصد بناظري عنك ورمشك مطلق عنانه
عجزت اترجم النظرة طلاسم تشبه العبري=تذيب بداخلي قلبٍ بحبك سار شريانه
هويتك انت ياغاااااااافل تدري ولا ماتدري=وجيتك بالشعور وهاجسٍ تنصاك قيفانه
__________________
[size="5"][font="Arial"][color="DarkRed"]وان كان شفت اسمي رفــــيعٍ ونايف"="
ما حد مــــــــنزلني وماخذ مكاني
لاني بمستامن ولا ني بخـــــــايف "="
بجني ثمر وقـــــــــــــتي ولا ني بجاني
هـــذا زمانٍ ساد فـــــية الخلايف"="
ولا علي اخــــلاف لوما عطاني
ماراح شيٍ يـــسـتحق الحسايف"="
الوقت له كلــــمة وحظي حداني
|