السلام عليكم ورحمة الله وبركاته ..
متواضعه للتواصل ..
.
.
.
ماجيت ابي عطفك بودعك واروح=يلي كسبت القلب باسلوب زايف ..!
برحل ولاتنشد على وين بتروح=دام الخيانه ماعليها .. حسايف
لاتعتذر (ياجارحي) منت مسموح=وش فايدة عذر ٍ حباله رهايف .؟
وشلون تجرحني وانا كلي جروح=وتركز رماحك في ضلوع ٍ نحايف
وتخون منهو يحسبك صافي الروح=وتكسر قوانين الهوى والولايف
تقوللي إنك على الوصل مشفوح=بيدينك اللقمه .. وخاطرك عايف .؟
لاتذرف دموعك ولاتكثـّر النوح=قسّتني الفرقا مثل منت شايف .!
تدري لو ان القلب يقدر على البوح=بيقوللي مبطي وانا منـْه خايف ..!
ودعتك الله دامني منك مجروح=يلي غصبت القلب في حب زاايف ..!
وسلامتكم ..
ناصر محمد المجروب ..