اقتباس:
|
المشاركة الأصلية كتبت بواسطة مبارك بن مجروب
السلام عليكم ورحمة الله وبركاته
أبيات للتواصل ,,, على أمل ان ترقى لذائقتكم
صلــوا ع النبي
من غيّر أطباعك وخلاك تقسين؟=من علّمك جرح القلوب وجرحتي؟
من بعثر الذكرى ,, وخلاك تنسين؟=من ذوقك طعم الهيام وسرحتي؟
من حط في بالك فراق المحبين؟=من شجعك على الفراق ونزحتي؟
صدمه .. بدون أسباب عني تقفين=على الاقل ليتك ثواني شرحتي
كنت أنتظر (برجع) ,, قبل لاتغيبين=لكن سمعت (انسى) ,, وانا ادري سمحتي
يا للتناقض ,, ماهقيتك تخونين=وانتي بحبي ,, واشتياقي ,, طمحتي
ابجرحك .. حتى ولو ماتحسين=وابتركك .. حتى ولو ماسمحتي
شوفي حياتك من رحلنا ,, (دمع عين)=سايل ندم ,, والمشكله مامسحتي
الحين تبغيني ,, وهالحين تبكين ؟؟=وانتي على دفن المشاعر نصحتي ..!
جيتي تشيلين الاسى ,, وسط كفين=صغتي مشاويري تعب ,, واسترحتي
ياما سألتك .. بس منتي تردين ..!=وعلى رغم صمتك ,, بعيني وضحتي
الحين جيتيني بعد غيبة سنين ..؟=ماكنّك الي في غيابي فرحتي ..!
أوّل تجيني من قبل لاتروحين=والحين من قبل انك اتجين ,, رحتي ..!
خـلّي الإجابه ,, وامسحي هالدمعتين=شكلك من اسباب الملام انجرحتي ..!
|
صح لسآنك مليوون ولا هنت
..
تحياتي 