السلام عليكم ورحمة الله وبركاته
اعجبتني وحبيت انقلها لكم
بن جوفان
سلآم من راس ٍ مضرَا ,, لا بدع .! بدعه جزيل=عليك يا ستر الهنوف .. إليا إنتخت بـ/ إخوانها
يا صاحبي .. كان الجمل يشيل ..! ولآ ما يشيل=قبلك ركاب ٍ أقدمـت .. ثـم ٍ رخيـت امتانهـا
بن دسمه
دام البقا ياشاعرٍ .. يلعب على الوزن الثقيل ..؟=الكلمه العذبه على المسماع عانـه صانهـا .!
كم واحدٍ لامن هقا .. هقوته ماتخطي دليل ..؟=يالفارس اللي سربته. ماينعـرف فرسانهـا .!
بن جوفان
سود السحايب ترتعد ,, سيل ٍ من العارض يسيل=و حوَل على الوادي مدحدر ,, من على ظلعانها
كانك مشكك بالرعد .. او تحتري وبل المخيـل=ذي داركم .. من عام الأول ,, ما ضمت قيعانها
بن دسمه
سود السحايب سيّلت ..وإنـت تحـرى كـل ليـل..؟=أثر المصايف غرتـك .. فـي سحبهـا وأمزانهـا .!
القاع سالت من سنه .. والشوف في المجرى طويل ..؟=واخاف لنـت تضيـع فـ/ القيعـان وفـ/ وديانهـا .!
بن جوفان
الذيب ما هروَل عبث .! .. والعلم ما يبغي بديـل=دام الكتـب مضمونهـا بالمختصـر .. عنوانهـا
جيتك على وضح النقا .. ما جيت من تحت الشليل=لو ان عينـي للثـرا .. لا مـا تلـد اجفانهـا .!
بن دسمه
الذيب لايدخـل سبـاق الهجـن .. ولا يستميـل=مادام ضمار الهجـن .. مايختلـف ميزانهـا .!
لالاتحايل وانت رجلٍ تعرف الليـل البخيـل ..؟=ان جيت لك في ظهورها .. بحشم لحايا بطانها .!
بن جوفان
وين انت غادي ياصبـي .. لا لا تحيـد ولا تميـل=يوم البنـادق ياصحيبـي .. واضـح ٍ .. نيشانهـا
بكاركم شفها .! ( رغت ) .. وخيولنا تصهل صهيل=من حشمت كـرام اللحـا .. لا مارخيـت عنانهـا
بن دسمه
القاع لو دجنا بها .. ماينفع الضابط فصيل ..؟=مانشبـح الا بنـدقٍ .. ماينسمـع نيرانهـا .!
بكارنا في خايعٍ ماحولها سيـفٍ صقيـل ..؟=من طيبنا شفها سرحت ماجالهـا رعيانهـا .!
بن جوفان
بكاركم قد عرضَت .. وعيون خلق الله تخيل .!=مطليت ٍ ولا سلم .. مـن جلَهـا .. حيرانهـا
وبكارنا من وسمهَا .. حتى الشجاع اصبح ذليل=ترعا على ( القفر الخطر ) محد ٍ يمر اوزانها
منقووووول من احد المنتديات