الصاحب اللي هجرني راح من بالي=وأدري برّبي بعد مانيب في باله
من عقب ماهو يدور رقم جوالي=أصبح بعيدٍ وغير خط جواله
لا شك زوله أشوفه دايم إقبالي=ولاشك قلبي يقلب باقي أفعاله
بالدنيا هذي تذوق المر والحالي=واقسم بربي أذوق المر بإهماله
أنا الصويب المتيم همّي السالي=وأنا الكريم المقيّد من شقا أعماله
قولوله إنه تراه بعيني الغالي=حتى لونّه بعيدٍ عنّي وداله
قولوله يسمع حروف بجر موالي=قولوله حدّي وصلته ماهي بحاله
قولوله يذكر لقانا أول وتالي=يومه ينادي وأنا اللي أتلبا له
أذكربأنه حلفلي إني بلحالي=إني بقلبه وأنا احلف إنه إلحاله
ياليت يرجع يدقدق رقم جوالي=ولا ياليته يجيني رقم جواله