يعطيكم العافية
على المرور
وهذى اعادة
أنـا مـن ورا يبريـن كنـي ورا بـيـروت=ويـاويـش عرفـنـا العبيـلـة ويبريـنـي
ألا يـاأم سالـم جاوبينـي بزيـن الصـوت=ترانـي ماغـيـر ادور الـلـي يلاحيـنـي
وتراني قصيرش في الخلا ما بنيـت بيـوت=ولا عشـت بيـن المـدرسـة والبساتيـنـي
ولاني من اللـي يعشقـون البحـر والحـوت=ولانـي بأحـب الضعـف لأجـل الملايينـي
ولانـي بتاجـر زود ثـور حياتـه قــوت=أبـي مايسـد الحـال وأسلـم مـن الديـنـي
وأنا ماأتكلم ليـن أشـوف الرجـال سكـوت=علـى شـان كـل ينتبـه لـي ويوحيـنـي
ولا أوصف إلا وصف شـيء عليـه ثبـوت=مـن العاقـل اللـي كنـي اشوفـه بعيـنـي
ولاني بأحـب أسمـر علـى طقـة البيلـوت=ولاقلـت قومـوا خلـو الــدور ياتيـنـي
ولا همنـي صـن أربعميـه مـع كـبـوت=ولا قمت أفل سـراي فـي جنـب خمسينـي
رقدت وصحيت وقمت خايف يفـوت= الفـوتأنـا ميـت فـي القصـر والبـر يحييـنـي
هبايب صحاري نجـد والبـر قبـل امـوت=علي الحـرام أنهـا الـدواء اللـي يداوينـي
وعلى الجنب الأيمن صنعة الروس تحت الكوت=لـي الله والأشــرم حـالـف مايباريـنـي
وأنـا مومـنٍ بالله مـا آمنـت بالطـاغـوت=وبرحمتـه جعلـه مـن الـنـار ينجيـنـي