والصلاة على رسول الله صلى الله علية وسلم
بدون مقدمة
عظم الله اجركم في ابو بدر (الله يبيجة )
(هيف فكاك العقد )
صكني راسي وعفت الزاد يـوم إنـي دريـت=في وفـات القـرم ذاك القـرم فكـاك العقـد
ذاك والله هيف عمي تـاج راسـي لا بديـت=راعي العليا اخو بدحـة مـن تعزوابـه وجـد
أنت يا عون الضعيف وعوق منهو لا وطيـت=رحت منا وكيف عنـا مـا بقـا فينـا جهـد
من حديث المصطفى ومن وسط طياته قريـت=الحديث امن (الموطـأ) والإمـام إلـي اعتمـد
من مشي في حاجت المسلم وكم مـرة مشيـت=خيرلك من مقعـد فـي بيـت ربـك مجتهـد
أنت غيـرك لا هفـا ترقـا ولا منـك رقيـت=دايما طلعك بعيـد وجـل صيـدك فـي هـدد
والـذي نفسـي بدينـة عنـد كـلا لطريـت=كني استرجـع أحاديـث الرسـول اللـي ورد
أنت والله يـا عمـود البيـت ياعمـي وفيـت=يوم غيرك ما وفى وإلا أنت وافي فـي العهـد
أنت يا ملجأ الضعيف أليا بكـى جيتـة بكيـت=دمعتك إن شـاء ربـي تحشـر بـذاك اللحـد
أنت ذيب فالخـلا عشتـك يمنـاك وضريـت=وماضريت إلا علـى خبطـة يمينـك فالشهـد
أنت يا ريف الجماعة صيت طيب وطيب صيت=عشت فالدنيا مـزارق طيـب همـك يالعمـد
أنت عمي وأنت خالي وأنـت جـدي لاهفيـت=جعل ذاك الزول يورد من اجنانن فـي رغـد
جعل ربي يدخلـك مـن كـل بابـن لابغيـت=من ثمان أبوابهـا ذيـك الجنـان بـلا عـدد
بالله إني طالبـك فزعتـك فـي عمـي لبيـت=بجنـة الفـردوس ينعـم هيـف فكـاك العقـد
وسلامتكم--------------------------------------------------------------------------------