بعض العرب ماينعطي وجه بالحيـل *وليا عطيته وجه صـار إلـك علـه
و بعض العرب ماله سنع لكن حليل* بالضبـط كنّـك لا تمعنـت ظـلّـه
وبعض العرب شقرا وشقرا مع الخيل*ما ينفعك لـولا الرمـوش المظلّـه
وبعض العرب لايعجبك ثرثـرة ليـل* وباكر ترى ماقـال لـك شـيء لله
وبعض العرب مرسال مدري مريسيل*يسايرالعالـم وهـو حاصـلٍ لــه
وبعض العرب يسلخ وينفخ وهو ريل*وفي زعمه أنه يفهم الكـون كلّـه
و بعض العرب ماغير بندق ودربيـل*ومنين ماهـب الهـواء جايـزٍ لـه
وبعض العرب يطلع كما طلعة سهيل*ويغيـب نجمـه قبـل دربـه تدلّـه
وبعض العرب يوذيك بالقال والقيـل*تجلس معه ساعة والأخـرى تملّـه
نذل وخسيس يفصل الهرج تفصيـل*وليـا لقـالـه طـيـبٍ يسْتغـلـه
وبعض العرب منظر وكشخة وتحليل*شبح بحال... والحال الأخرى كورله
لاشفت زوله من خيـار الرجاجيـل*واليـا عرفتـه ماتجيـه بمحـلـه
وبعض العرب ماضيه ليلٍ على ليـل*قـد بصّمـوه وصـوروه الأدلــه
وبعض العرب ما همـه إلا تهاويـل*مهمـا عقـدت الحبـل لازم يحلّـه
قـد دربـوه ولكّعـوه الرجاجـيـل*من قبل لايصير الحدث جاهـزٍ لـه
وكلش يهـون إلا الثـلاث الغرابيـل *المهزلـة والمسكنـة والمـذ لـه
وكلش يهـون إلا الثـلاث الغرابيـل *المهزلـة والمسكنـة والمـذ لـه
وكلش يهـون إلا الثـلاث الغرابيـل *المهزلـة والمسكنـة والمـذ لـه
لاهنت يمينك السؤدد... ... القصيده جميله والذوق اجمل
ننتظر المزيد
تركي