[زين الاطياب]

يعطيـــــــك العــافــيه سماوي بن نجم ,,


1)

يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت
وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
........................ ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت
اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت

لبن فطيس المري


2)

ما هو بكفو الوقت حبك يمحيه - - ياللي تخاف صروف الايام تمحاه

ارتاح دام ان المواصل يقويه - - أنت أنت ... وأنا أنا ..وقلبي هو اياه

حتى ولو بتغيب ذكراك تكفيه - - يا واحدٍ تكفي عن الناس ذكراه

حبك على رملة خفوقي مواطيه - - ورياح عذلي عنك ماتمسح خطاه

واللي يعذل القلب عن درب غاليه - - الله بما يبلا المواليف يبلاه

قلبٍ يحبك والهوى الذرب ماليه - - كانك مكذبني ؟؟ بعينك تحلاه

شرطٍ تشوفك فيه منت بحواليه - - ويمكن تشوف ديار واماكن ارعاه

وبتشوف به تمثال والوقت هاريه - - وبتشوف زرعٍ ميت وواقفٍ ماه

وبتشوف جرحٍ فيه سكين راعيه - - راح ونسى السكين والجرح ينخاه

وبتشوف حصنٍ عج الاقدار سافيه - - وبتشوف باقي بيت راعيه خلاه

لا تنزعج هذا خفوقي وباقيه - - ولا تضايق من تصدع زواياه

قد زلزله فرقا وهزت عراويه - - والله ستر... والحظ عانه وعافاه

وكانه صلح لك واعجبك زيد تبنيه - - ابنه وجهز للمقابيل مبناه

ابغيك بس من المفارق اتداريه - - وازهل من يداري شعورك ويدراه

وحلل وحرم فيه يـ ابرك بلاويه - - وحله وراع رضاي ورضاك ..ورضاه

الحلم ياتيني بزولك واراعيه - - وفي كل حلم اقوم قبل اتحفاه

أعشق سميّك في البزارين وأغليه --و أقبل خطاه إليا خطى و آتلقاه

واسمك يروعني الى مر طاريه - - واحب ملقوفٍ يسولف... وطراه

وامر بيتك من بعيد ولا اجيه - - وانا لو انه في يدي ...ما اتعداه

حتى تواير موتري تلتفت فيه - - تبغى تلف ويستحي العقل والجاه

وصلك يخيط الصدر والبعد يفريه - - ويا بري حالي كان صديت برياه

ويلي على ادري حبنا ويش تاليه - - وويلي على ادري وش ورا الغيب ويلاه

عشان أشوف اذا محبتك .. ترفيه - - والله لا اقفي عنك ... استغفر الله

لمحمد بن فطيس