[عجميه كيوت]

السلام عليكم ورحمة الله وبركاته
تقبلو مني هذه المشاركه البسيطه

يحكى . . . أن
في واحد اسمه ضيدان راح يتعشى عند رفيقه الغـني و صاحب الثروة سعد و كان سعد يحط افلوسه في البنك . . ما علينا . . نبي المهم. . !

قال ضيدان:
عـطـنا من اللي يا سعد ربي عـطاك && عـنــدك فلوس في البنوك و نايمــــه !
و انا رفيقـــك دايمن و امشي وراك && و ما أدري متى تمطر سماك الغايمه ؟

رد عليه سعد متأففا:
الـلـي عطـاني خير بالشحذة بلاك && هذي عـطـايا اللـــه و ذي قسايمه
يومـك حسود و تو .. ما بيـن رداك && ما عندنا لــك ما يفـطــر صايمـــه

طبعا اليأس لم يدخل قلب ضيدان فقال:
أظـن من زارك بـ بيتك ما نساك && و لا أظــن مثـلك تـنسى قدايمــه
يا رجل فكر زين و الرب يهـداك && عـزم ترى الرجــال من عزايـمـه

قال سعــد :
تـعـش عندي جعل ما تاكل عشاك && عسى تعشــاك الطـيور الحايمه
و الـلي لنا جابك عسى يقلع مداك && و الـلي يبي فرقاك محدن لايمه

أنهى ضيدان الحوار بقوله:
لا تحسب انا قاعدين في رجاك && و عاد الجـمل يمـشي على قوايمه
يالله المعبود جارك و دخـــلاك && راحت خساره ذا الصـبي تـمايـمه

أرجو أنكم قد استـمـتـعـتم
تقبلوا تحياتي

أختكم/ عجميه كيوت