يالي غيابك طال علمني أشفيك=هاذي ثلاث أيام من دون مرسال
كانك تغلا أقول همل تغليك=تراك غالي دام بي العمر طال
اسج مع اسمك وإذا حل طاريك=قمت أتلفت وادعي الله على الحال
انه يردك سالم لعين مغليك=وأرتاح أنا بشوفك ويهنا بك البال
كانك تبي أثبات أصبر و ياتيك=بنيتلك في أوسط القلب تمثال
من مره بيوقف ذليلن يحييك=ويجر له من صادق القلب موال
أنت النقيه بين هاذي وهاذيك=يلي وصوفك راهيه وكلها أهوال
ماغرني غيرك ولا غرني فيك=إلا جديلن فوق الأكتاف خيال
وهيبه تخلي من نظر صوب عينك=بيصد لو هو من صناديد وابطال
وخد من شافه دعى الله يحميك=من عين حسادك ومن حسد الانذال
وثغرن يتعب من تعنى لحاليك=يمين فوقه تزدهر حبت الخال
عنق وخصر وإن سرت تقصر خطاويك=كامل وكامل وجه خالقك بإكمال
لحظه نسيت القاف وشله كتب فيك=من شان صدك بس في وصفتك مال
شف مختصر غيبتك هي بين يديك=صوغتها لك قاف وأبيتها أجزال
حتى إلامن غبت وابطيت لاجيك=تذكر أش كان القاف وترجع على الحال
أخوووكم فرقت الأقدااار