السلام عليكم ورحمة الله وبركاتة
هذه مرثية في والد الجميع هيف سعد الحجرف
طيب الله ثراه واسكنه فسيح جناته
إن كان شعري مانعى هيف لاخير=هونت عن نظم القصيد وشعاره
وعرضت مسباقه هبوب المعاصير=وعكست وجهت يمتي عن مساره
لكن نخيته وانتخى فيك يا أمير=سموك أمير وتستحق الإماره
أمارته ماجات مجامل وتخدير=جت من صمايل وقفته واقتداره
يقول لي في هيف لا أسمع ولا أشير=من شأن رجل شجاعبالصيت كاره
هيف السعد ريف الضيوف المسايير=في مجلس بالطيب تشتب ناره
قبل شروق الشمس وسجع العصافير=يحوف دلال سطرت بالمناره
منصى وملفى للوجيه المسافير=يوم الردي صحوته بأخر نهاره
أفنيت عمرك والقدم بالمشاوير=وغيرك يبرر غيبته باعتذاره
حاضر بحاضر فزعتك دون تأخير=في حاجة الميضيوم ورد اعتباره
جمايلك ماتنحصى بالأساطير=تشهد قبايل بدوها والحضاره
وصنايعك للناس تقصد بها خير=ترجى الجزاء بيوم صعيب اختباره
بنهاية الستين حسبه وتقدير=مثلت شعب رشحك بختياره
ذيك الليالي والأيام المعاسير= معروفكم يذكر جار لجاره
تتبع مسيرة محتمين الظاهير=لوينطق المطلاع لبته واره
(اخوان بدحه)ملحمين البواتير=كسابة الناموس في كل غاره
نبذه من التاريخ يكيفك تقرير= وفعل على برهان يكفي اختصاره
رحلت وخلفت الرجال المناعير=وصيتك كسب المراجل تجاره
تنهج طريق العود وتواصل السير=مجد توارث مجد والكل ساره
نعاه حشد ودعه حزة عصير=يبكي وادع اللي وداعه خساره
مرحوم ياللي ماحصل منك تقصير=مرحوم يارجل رفيع وقاره
رحمتك ياحمن والي المقادير= عسى جنان الخلد بيته وداره
وعسى سحاب المرزمات المزابير= تهمل على قبر الفقيد بغزاره
الشاعر .......عبدالله الحمران