قصيده متواضعه مني أتمنى انها تعجبكم .. وسامحونا على القصور
راحت ثلاث سنين ما منك مرسال
ولا سمعنالك مع الناس طاري
يا غايبه عمر الحزن داخلي طال
وتعبت اسلي خاطري بالطواري
يا غايبه جريت فالبعد موال
من حرقة الفرقى ومن زود ناري
يا غايبه مليت انا كل الازوال
واتعبت رجلي من شقاي بمساري
مادل لك ديره ولا رقم جوال
وانا على خبرك دياري .. دياري
يا غايبه لو يعرف الدمع رجال !!
ما شفتي بمحجر عيوني مواري
رسمت انا حزني على صفحة ارمال
لنك مثل غيث المطر فالصحاري
ورسمت انا امال .. وامال .. وامال
مليت من كثر السهر وانتظاري
لو كان يجمعنا وصل عمن او خال
لأحجرك واقول هذي اختياري
المشكله ماعاد هي ضيقة وصال
المشكله صابر وضايق وداري
ان اللقا يا غايبه شين امحال
وان الحزن مكتوب .. والحب ساري
رضيت بالمقسوم من عسرة الحال
ولا حسبت احساب بايع وشاري
الحزن لامنه خذا ايام رحال
ابلحق اللي ما تبقا وأداري
بدور الفرحه مع راحة البال
وبقدم لدنيا الغرام اعتذاري
لا حب يجمعنا .. ولا شوق مرسال
هذا الذي ابغيه .. هذا قراري