[ناصـر محمد المجروب]

لسلام عليكم ورحمة الله وبركاته ..

من باب التواصـل ..

مدخل /

أنا انام الليل .. ( متضايق )=وانته تنام الليل .. ( متهني )

.
.
.
.
.

تاهت اقدام رجلي في ..دروب الغرام=وماتت ورود حبي ..تحت رجل السنين
واصبح الحب في صدري بقايا حطام=وضاعت حقوق قلبي من ( قساوة ضنين )
احبس الدمع بـ عيوني واخاف الكلام=خايف اصير ( لقمة حلق ) للعاذلين
ياجفون المفارق لو يمرك منام=مالقيتي خفوقي ظامي ٍ للحنين
ارسل اشواق قلبي مع طيور الحمـام=مالقيت الجواب الي يبشر سجين
طال صمت الكلام وطال صمت الملام=وسال دمع الخفوق وباح سر ٍ دفين
وانت خاطرك هذا يارفيع المقام=بعض الاحيان زين وبعض الاحيان شين
ولا انا حالتي مابين ضيق وهيام=لابغيت اتناسا صاح قلب ٍ حزين
جفني الي شكى دمعه ترا مايلام=كاره الدمع من كثر البكا والونين
اعشقك .. بس والله مالقيت اهتمام=من غيابك حصادي جرح ودموع عين
مايواسي دموعي غير ظلم الظلام=ومايصبر خفوقي غير بوح الكنين ..!

وسلامتكـم ..



ناصـر المجروب ..