يابنت روحي ماعليكم حسوفه
ماني من الي يقنعه كثر الأعذار
النفس طابت وأعلنت بالنكوفه
وأرفع مقامي عن هوا كل غدار
خلك ليا خانك لزوم ٍتعوفه
وأترك هوايا وخله اليوم تذكار
كم واحد ٍ عفته وليتك تشوفه
توه صغير ولا يوصف بالأقطار
زودٍ على حسنه ونابي اردوفه
والعين مثل الي على كف صقار
ماهمني زينه ونقشت كفوفه
من خان عهدي ياهوا البال نختار
غيره حبيبٍ كاملاتٍ وصوفه
حسنه فريد وينبت القلب بزهار
يخضع لي الهامه واقدر ظروفه
بكره اشوفك ميت ٍ مولعن نار
منهان من حب ٍ جديد ٍ نشوفه
تبقى وحيد وظايمك ظيم الأقدار
يابنت روحي ماعليكم حسوفه
ماني من الي يقنعه كثر الأعذار
اخوكــــــــــــــــــــــــــــــــــم الشــــــــاعر"طلال بندر الهاجري"