الموت .. ماهو لا انتهى عمر انسان=
الموت .. لا صرتي لغيري وانا اشوف
تضحك له الدنيا وانا كلي احزان=
وياخذك مني والسبب قسوة ظروف
محبوبتي .. موعد زفافك ليا حان=
ابنسحب .. واتركلك دموعي ظيوف
جعل الفرح يعزف على دربك الحان=
وعينك بعد فرقاي ماتبكي حسوف
خلان .. نبقى لاخر العمر خلان=
وان ما كسبتك قرب ؟ تكفيني طيوف
انتي .. زرعتي الحب في قلب ما خان=
واخر حصادي صار للغير مقطوف
وانا .. وفيت وحظ دنياي ماصان=
جيتك طليق افراح واقفيت مكسوف
ماني بلومك !! لاكن الوم من كان=
يسعى على فرقى المحبين ملهوف
القصد .. واضح ماهو بحاجة اعلان=
وما ظنتي للي على مثلك أتطوف
يكفيك عن قولي تعابير الاعيان=
وإني احس بداخلي حرقة الجوف
لا تحسبين الحب تاليه نسيان !!؟=
وإلا يغطي شمسك بعيني اكسوف
انتي غلا يبقى على مر الازمان=
وانتي قصيده قلتها بصادق حروف
والموت .. ماهو لا طوى جسمي اكفان ؟؟=
الموت .. لا صرتي لغيري وانا اشوف