غبنا ,, وليت الغياب يحرك احساسـك=والليل مالـه سوالـف غيـر فرقانـا
اي والله انّك خطا ,, من ساسك لراسك=مادمت "ناوي تفارق ",, ليه تهوانا ..؟
وشلون تترك خفوقي في رجا فاسـك=وتلـوم الايـام لـو ماهـي بويانـا ..
أما تجينـي وتسقينـي مـن انفاسـك=ولا انتفـارق .. وخلينـا بدنيـانـا ..
اغويت قلبي عليك ,, وشرب من كاسك=واقفيت منه ,, وهو فالحـب سكرانـا
ياليت قلبي ., قبـل لايلبسـك قاسـك=عشـان ماينفـتـح للـيـاس بيبـانـا
او ليتني منْخلق مـن اهلـك وناسـك=وآوآصلك والوصل من شرع مولالنـآ
ولصار اهديـت للـي ودك اقواسـك=يمديـك تشبـع نـدم كـان الله احيانـآ
لا صرت مقفي ترا ماني بحراسك =نفسي عزيزه ترا ماهي بتنهانا
ليتك تعرف الغرام وتعرف قياسك =في ذمتي ماتصد ولا تناسانا
صنف وتلقى وجودي جوهر اللماسك=معاد حــنا تــــــدرونا وتلقــــــانا
لا زاد همك و زاد الهم وسواسك=تلطــم خـــدود الندامه ليه تجفـــانا
العام ترسم خيالي وسط كراسك=واليوم مدري علامك ليه تمحانا
والعام لاغبت عنك زاد وسواسك=تضيق من غيبتي واليوم تنسانا
وانكانك اصبحت شرس وقاوين باسك=بعدين تدري من الشرس انت ولا انا
لو جيت ابا ارد نفسي لك ولجناسك=في ذمتي ذمه انها من خطايانا
مبدعين للأمـانه ..