السلام عليكم ورحمة الله وبركاته
هذي مشاركه اولى لي هنا في صدى المشاعر
اتمنى ان تنال استحسانكم ان شاء الله
قصيدتي رد على بيتين ارسلها استاذي خالد السقيان
يقول استاذي خالد :
احكمت القول وقفيته = سبحانه محكم قرآنه
عندي حرفي يلزم بيته = مايطري زوده ونقصانه
رديت عليه اقول :
هجوسي رحت وخليته=وغبت وغابت عني جفانه
يا وجودي لا لاقيته=وجدي مدفوع بوجدانه
ارسل مشروهي لا جيته=وانا مفقود بفقدانه
ابدى قصيدي من بيته=من بيتٍ خامس واركانه
اللي يجاريني جاريته=علمته طرقه واوزانه
قافيتي تهزم قافيته=وألحاني احلا من ألحانه
منشيتي يغلب منشيته=لوكان بأرضه وميدانه
والنهايه خالد جيته=واسمعته شعري بألحانه
وسلامتكم
وسامحوني على القصور