[فــلاح]

السلام عليكم ورحمة الله وبركــــاته



صباحكم خير


هذي ابياات متواضعه مسنده على الشاعر / دونت بلي وذ مي
.

.

يطول المدى وإن طال بانت رسوم الخيل=وبعض الخيول إليا انتحى الدرب مخطوره


ويفيض البحر وإن فاض غطى ضفاف النيل=ولا ترحم امواجه مجاديف بابوره


ما ينشف مسيل السيل الا ليا أبطى السيل=وذالحين جا بحضور ً أكبر من حضوره


انا البارحه يا دونّت ليلي ماهوب أي ليل=نجومه تخافت ، والقمر ما بدى نوره


ادوّر حلول لمشكلتناا معى هالجيل=وأحاول أسوي في أحاسيسهم ثوره


عقولً ماهي تعرف سوى المدح والتطبيل=جماهير شعر ، وكنها مشجعة كوره


عسى الله عليهم يرسل طيورً أبابيل=معاهاا حيود ً جات من راس تنوره


حيود ً ترد الهرش ، وتهـد حيل الفيل=ومنهية ً من والي الكون ماموره


وحن خابرينك ما تحب الكسر والميل=وبغينا نحطك يا أبيّض الوجه فالصوره


ولا قلت لك يا دونت .. (وقف وشد الحيل)=أبي وقفة ً تستر عن خبولنا العوره

.
.