عديت في مرقب والليـل ممسينـي==بديار غرب لعل السيـل ماجاهـا
أضحك مع اللي ضحك والهم طاويني==طيت شنون العرب لاسربوا ماها
وراك ماتزعجيـن الدمـع ياعينـي==على هنوف جديد اللبس يزهاهـا
هبت هبوب شمال وبردهـا شينـي==ماتدفي النار لـو حنـا وقدناهـا
مايدفي الا حشـا مريوشـة العينـي==وإليا عطشنا شربنا مـن ثناياهـا
أبـو عيـون اليـا سلهـم تناجينـي==ياقرد عين المشقا كيـف يقواهـا
ياشبه وضحـا فتـاة دلهـا زينـي==داجت على عقلة والورد ماجاهـا
ياعل من شار بالفرقى عمى العينـي==مخباط صمعا جليل الفخذ يشظاها
جعله حسير كسيـر وراكبـه دينـي==وأتلى حلاله ذلول راح يطلاهـا
لقلوبكم =الصاااااااااافيه
؛
؛
؛
