[مبارك بن مجروب]

السلام عليكم ورحمة الله وبركاته


جديده للتواصل

خـل الرسايـل تغمـرك مـن حنانـي=رسايلـي ماعادهـا فـي ظـروفـي
لـولاك ماشفـت المعانـي معـانـي=لـولاك ماكانـت ظروفـي ظـروفـي
الى متـى وآنـا احبـك ؟ واعانـي ؟=والى متى طيفـك محـارب طيوفـي؟
مابيـك تسهـر لـي قصيـد واغانـي=ابيـك فـي كـل المواعيـد تـوفـي
قرب من احساسي ,, وعيـش بكيانـي=ابيـك اوفـى مـن عيونـي لشوفـي
ياسيـدي ..! مـال المشاعـر مبانـي=متشوفهـا ماتسكـن الا بجـوفـي ..!
مرات احس ان الزمـن مـو زمانـي=اخاف ,, ولا ادري على ويش خوفي ..!
يمكنّي خايف مـن خسوفـك لجانـي ؟=او انّي خايـف لايقـرب كسوفـي ..!
احـس ماباقـي سـوى هالامـانـي=عسـى الرجـا فيهـا يجمّـل وقوفـي
طلبت منـي كـم قصيـده ,, وكانـي=الملـم شتاتـي ,, واحـارب عزوفـي
مابيك تزعل ع القصايـد (( إذانـي ))=قصرت في مدحي ,, وباقـي وصوفـي
تزعل على شعري وترضى عشاني ..!=قدّرتنـي ليتـك تقـدّر حـروفـي ..!
خذيتنـي كلـي ,, وانـا مـو انـانـي=فوقن على كلـي عطيتـك ,, كفوفـي
والحين ,, رجّعها ولاهـو عشانـي ..!=أبـي اسلّـم لا لفونـي ظيـوفـي ..!