[مغتـــــرب]

المشاركة الأصلية كتبت بواسطة نمران

مساكم ورد وجوري .. وبدون تدقيق
قصيدة موقف وحبيت اضعها بين ايديكم خاصة وانه مر على الموقف فتره طويله ..

حدايق الشعر في لالبااب مربــــــــــــــاها = غنــّـاء يشـــموم وخزامى وريحــــــاني
ياصاحبي قم معي بـ نسير فـ نحــــــــــاها = وبـ ندوج فيها علـــى فـــدّان فـــــدّاني
واضرم بها النار فـ وّلها وفـتــــــــــــلاها = لو شفت غصنً بها ماهوب ريــــــــاني
وان لم ترى الا ثمار الشعر واشــــــهاها = فقطف كما شئت منها واجلــس اوزاني
واعلمك كيف كانت قــبــــــــــــل تزهاهــا = لاشجار والاثمار من كــــــــــل الالواني
كانت تعاني طموحي في زوايــــــــــــاها = وكانت غراس(ن) هزال وكنــت وحداني
وكانت جفاف(ن) مـ غير الصبر ياطـاها = وماكان يدري بهــا قاصــــــــي ولا داني
اسهر عليها لاقام الليل يغشــــــــــــــاها = واسقي ثراهـــــــــا بحاسيسي ووجداني
ايلين قامت عيون النـــــــــــاس ترعاها = وقام يتــــــســــاقط ثـمـرها داخل اللساني
وصارت خضار(ن) تلج اصداي واصداها = وحديقــــة(ن) ماتـــــــــــــليق لكل بستــاني
سمائها العز والتفـــكيــــــــــــر سقياها = وسمادها حــقــد حسـّـادي وعـــــــدواني
وانهارها اللين والبارود حصــــــماها = واسوارها المجتمع وطيـــــورها اللـحاني
اطلق خيالي بها واسير فرجــــــــاهـا = وتميل لاغصان صوبــــــي لــين تغشاني
واضحك لها وآتبسم وآتعـــــــداهــــا = وادوج وانــــــا اتـــــذكر كـــــــل ماجاني !!
ولم اكفر بأنعم اللي وسطــي انشاها = فالحمـــــــد لــلـــــه على مامن واعطاني
كم شامخه من هنا قد كان مـسراها = وفي جيــــــــدها عقد من لولو ومرجاني
دون الشريعه بتلقاني وتلقاهـــــــــا !! = ودون القبيــــــله بـتـــلــــــــقاها وتلقاني !!
تاقف معي فالمواقف لاعدمنـــــاها = واكســـــــر بــــها هاجسي وآبدد احزاني
الله عليها الى بيّن محــــيـــــــــاها = وجاتـــك تـغــــطرس فخر في كل ميداني
تكبر فعين الرجال وتكسب ارضاها = ويصــــغـــر تحتها الغيور اول مايقراني
وان كنت تصغر تحتها وانت تقراها = حاول تقدّر مكـــــــــــاني قدر الامــكـاني
واقبل بوجهك الى اعطتني مقفـّـاها = خلان بقــــعـــــــا جـــــعـــل ماهم بخلاني
تلقى الصداقه وتقديسي لأجواهــــا = وآجلـّـسك بيــــــــــــن شريـاني وشرياني
واعلمك بالصداقه كيف معناهـــــــا = ترى الصداقــــــــــــــه مهو لقفيت تقفاني !!
اما تحشم الرجال وتحشم اللحاهــا = ولا تقبّــــــل بصــــــدر(ن) رحب حقراني
لاضقت في ديرة(ن) ماسر سُكنـــاهــا = ضفّيت جنحانـــــــــي وفلّــيت جنحانـــــي
ان كنت ترضى طعون الظهر مرضاها = وان كان لك كلمه اطرقها على آذانــــــي
واذا لنا كلمة(ن) فذنك طـــرقنـــــــــاها = ماهيــــــــب كــلـــمـــــة يقول فلان وفلاني
ياصاحبي والطقوس اللي شهـــــدناها = كانت تعــــارض مــــــع ايــمـــانـك وايماني
واللي على خطاي كانت تشعب اخطاها = وشــــــلون تــقــــــــــدر مع الوقت اتعداني !!
خل السوالف وخل الناس واضـــــواها = وتعال اذكـــرك وش شـــــانك ووش شاني !!
لو يتغيّر فـ مجرى الشمس مجراهــــــا = وتدخــل مــــــع احدى عيونك من مسيّاني
ومع بزوغ الفجر تخرج من احداهــــــا = تبقـــــــــــى مثل منت وآنا ابقى مثل ماني !!
بلاش من ضجة العالم وضوضاهـــــــا = ترى الحـــــــقـيــقـــه متخفاك ومـ تخفاني !!
قصيدة(ن) في عتاب اعطيتك ايّاهـــــــــا = وتحمل فطيــــاتها لــــــــك موقف انساني
اما انقضها من اولها الى اتلاهـــــــــا = وارسل علي الرجــــــــال ايـــلـــين تلقاني
او (شال روحك) فنفسك وانت تقراهـــا = وقل ماقصدني ويقصد واحد(ن) ثــــــــاني !!

نمـــــــــــــــــران


صــــح لســــــــــــــانك



لله درك


قصيده وافيه



مبدع سجل اعجاااااااااااابي