[لـبـيـه]

تعبت من جور الزمان ولابقى فيني صبر=ماعدت طايق ذا الحياه القاسيه وظروفها

والى متى بقول لدموع المحاجر تنثبر=عيبن علي لاهلّها والناس عيب تشوفها

والى متى بصبر على خلن طغى فيه الكبر=بس القهر كيف اتركه وهو العيون وشوفها

وعزي لنفسن ترتجيه ولا لفى منه خبر=متأمّله في رجعته ولا تبيّن خوفها

وعزي لعينن من صدوده ماتمل وتعتبر=وهي تعرف انه جحود ولا ذكر معروفها

وعزي لقلبن مايجي كبره ولاحتى شبر=وهمومه اللي داخله من شافها بيعوفها

لا ياوجودي وجد عوّدن لاحقن حدّ الكبر=ماله عيال ولا ربوعن يرتكي بكتوفها

ماعدت قادر للوقوف ولابقى فيني صبر=من دنيتن طعنات قلبي كلها بسيوفها

مالي جدا غير القصايد والدفاتر والحبر=يمكن تنسّيني القصايد واختفي بحروفها

lbeah11@hotmail.com