السلام عليكم ورحمة الله وبركاتة شكراً اخت وردة على استضافتي و اطرائك وبالنسبة للإبتسامة صار رسمها شي صعب خصوصا في هالوقت ..وللي خلاني اقول كذا : بنت اختي الصغيرة جالسه قدامي اليوم العصر.. ومسوين لها (سشوار) ومكشرة....ذكرتني بــ(فيروز) !ا أقوللها : شفيك ؟! قالت : اووف زهق طفش ! وش الي مطفشش .. قالت : كل شئ ! وبعد مجهودات شاقة ومشوار ساعة بالسيارة .. كتكات وكيكة..عصير وكم بوسة وكم نكتة على كم حركة استهبالية بالسيارة..بعد الموت (ابتسمت) ما تسوى علينا هالإبتسامة اذا هذا حالها وعمرها 5 سنوات شلون الي عمره 20 سنة وأكثر ! ..... ما اقول الا الله يقدرنا ونفيدكم من ما لدينا ! امسوي فيها (الجاحض:d ) .... انا ماعندي مانع وللعضو الحق في انه يسأل اي سؤال يحب إلا ما يتعلق بكشف هويتي الحقيقية فهو شئ لا أحبذه على المستوى العام ومن يهمه الأمر وانا استغرب ان وجد..لا مانع ان يسألني عن طريق الخاص ..! .... اخت وردة اذكر زمان كان اسمه (تحت المجهر) وكان بعض الاعضاء يزعلون اذا تم وضعهم تحت المجهر ويقولون ليه (جراثيم) تحطونا تحت مجهر اليوم بحط نفسي تحت المجهر عجمي الحوضين واسمي (بدر) عمري (ثلاثون) ربيعاً ولي (ربيعين) وانا اقول ثلاثون متزوج مع (وقف) التنفيذ .. ومستمتع (جداً) بحريتي حاصل على الدرجة الجامعية في مجال صحة المجتمع واخذت محاضرات كثيرة في مجال الصحة النفسية و التوعية الصحية وحالياً منتسب بجامعة طنطا (كلية التجارة) تخصص (ادارة) اعمال (يمكن يستغرب بعضكم هالنقزه لكن يعود السبب لتخطيط ارسمله اذا شارفت على الاربعين ) احب القراءة من صغري وما وصلت العشرين الا انا مكون فلسفتي الخاصة بالحياة ...... اترك الباقي للأخوان حسيت اني فتحتها سالفة (قصة حياتي) ...... كلمة بسيطة عن ما اكتب : احب المقالات العلمية البحتة في الدرجة الاولى... وليست تخصص(مضروب) مضروب هو اسلوب خفيف على النفس بلغة سهلة الوصول والفهم .. دائما اجتهد في اسلوب مضروب على 3 اشياء : 1- قول الحق لو على نفسي ومو شرط الي اقوله اهو الي اطبقه ! 2- رسم ابتسامة 3- اضافة معلومة احس الشي الي مضلوم فيني ونادراً ما اعبر عنه اهو (فلسفتي) للحياة ! وهذا ما سأحاول فعله هنا وبتفاعلكم طبعاً ......... شكراً لكل من رحب فيني وارجوا من الله انه يوفقنا في تقديم ما يرضيه ويرضيكم شكراً اخت وردة شكرا اخواني
__________________ . . يقولون من راقب الناس مات هماً .. لكني مت ضحكاً !