اقتباس:
المشاركة الأصلية كتبت بواسطة سالم الرتيبان
هذه القصيده قلتها بعد وفاة عمي /سحمي بن محمد الرتيبان رحمه الله
واسال الله العلي القدير ان يرحمه برحمة الواسعه ويغمد روحه الجنه
صلو على النبي
الله يبح الي على العز منشاه = انا اشهد ان حن كلنا فاقدينه
والله يبح الي على الخير مسعاه = يسراه ماتعلم بمدة يمينه
نبكي على فرقاه ونقول يالله = وسط اللحد تنزل عليه السكينه
انشهد انه وافين في مزاياه = ونفسه على الطاعات دايم تعينه
فاالصف الاول مابقى غير ذكراه = والمصحف الي شايله في يدينه
والبيت يفقد صوته الي توحاه = ويفقده ديوانه مثل داهلينه
وعواله السته عوضنا بفرقاه = درسهم دروس الرجال الفطينه
سيرو على دربه وسيرو على خطاه = ياحي دربن قد وطته اقدمينه
وللموت دربن كل منا بيطاه = والقبر والله كلنا داخلينه
احدن يطيب القاه ويطيب ملفاه = واحدن من التعذيب نفسه حزينه
وسحمي عساه بجنة الخلد مثواه = يرتاح فاالجنه وتسترّ عينه
وسلامتكم |
والله ياسالم اعرف سحمي من يوم اني بزر اللين ماكبرت...ان ذكرنا محاسنه والله مراح نوفي ابحقّه ...اللهمّ اجعله مع الشهداء والصالحين والانبياء ومن حسن اولائك عملا ....ونشالله العوض في عواله .ويمشون على خطاه. لاهنت على القصيده اللي اتعبر عمّا في جوارحك.اخوك بركان1