هلا لورنس في موضوع (السجان والسجين) وبعد ردودي على اخواني .. راكان الفارس وعبق اجدادي ارسل احد الاعضاء مشكورا ملاحضه عبر الخاص يقول فيها : : انني احرق افكاري ومقالاتي عندما اضعها في الردود وانها تستحق ان تكون موضوع مستقل يطرح ليأخذ حقه من المشاهدات والتعليق..اغلب الناس يشيك المشاركة الاولى ولا يهتم للردود الحقيقة احب اكون مميز بهالشئ واحب القارئ يستمتع بكل شي يقرأه ..حتى في الردود... ومن يتابع كتاباتي بيكتشف الشئ هذا ويصير مع الوقت متابع لكل ما اكتب لكن انت عزيز وطلبك رخيص وبعيد صياغة الفكرة مع بعض التعديلات إلي ابيك تلاحضها وتفهم طريقتها بعيد طرحه لعيونك ...... أخي (لورنس) بما اننا نتمتع بنفس (الذوق) .. هذا ما يجعلك تنجح في الغوص الى اعماق فكري واخراج ما فيه وهذا ما يميزك في نظري ... وابليس ما حقر (نفسه) .. انا لا اتكلم عن موضوع (في ضيافتنا) انا متابع لك من زمان .... انا حياتي من بدايتها حلوة و(طريفة) والله يديم الحلى والطرافة عندنا وعندكم ومن حضر تقول امي يوم انها ولدتني.. كانت حالات الولادة بالمستشفى بنفس الفترة 26 ... وكلهم (بنات) بداية حياتي..قاعد بغرفة مع 25 بنت وانا الرجال الوحيد تصدق : ما علمتني امي بذا السالفة الا وعمري بالعشرينات تقريباً ! ....ومن ساعتها عرفت السبب ..! سبب اني طلعت شخصية مبتسمة دائماً ..... المشكلة المواقف الطريفة الي متأكد انها بتخليك تتشقق من (الضحك) مقدر احطها هنا .. اخاف يحذفون عضويتي... مو المشاركة بس بقوللك آخر اطرف موقف مر علي قبل كم يوم واهو ويا واحد من الجماعة اسمه (عبد الرحمن) عاد سبحان الله.. دائما الي اسمه عبدرالرحمن يتميز بشغله ..ودائما تدور حوالين راسه.. يا بالشكل او المحتوى ! صاحبنا كلها ... راسه كبير وفيه (دلاخه) .. حتى مره سالني وهو كان يقرأ مجله ... بدر وش تتوقع بُرجي ؟ بلا تردد وحسب المعطيات التي أمامي.... قلت : برج (الثور). أول مره يطلع فطين وفهمها !... وزعل علي بعدها بكم يوم راضيته .. عزمته بمطعم يحبه واكلته اكله محترمه.. صحيح انه خسرني لأن الي راسه كبير.. تجيك (لقمته) كبيره..فلازم تحط طعس تحت (خشمه) .... قبل كم يوم صار له موقف وكان لي علاقة مباشرة في الموضوع كنت قبلها معطيه حصه متكامله عن احترام الآخرين وكيف الواحد يكسب ودهم وتعاطفهم والسبب : قال اهو في البداية انه راح يغيب عن العمل وبسبب شغلات خاصة وده يخلصها قلت : طيب ليش ما تستأذن من مديرك وتشرح له ضروفك.. قال : ياخي اخاف يقول (لا)..ساعتها مقدر اغيب .. ومن هنا بدأت الحصة وسويتله غسيل مُخ وهو ماغير ساكت يسمع .. ويردد : ايه صح.. صدقت والله.. صادق والله.. نعم.. ايه نعم.. صح.. نزلني البيت وهو يحس انه اكثر شخص مُحترم في العالم ويقدّر الناس .... اليوم الثاني اتصلت عليه الصبح بشوف وش اخباره : هلو .. هلا وينك ؟ في العمل ! طلع الرجال في الدوام ! ... واسأله : مديرك ما اذنلك ؟ قال : يا ليتني ما شفت وجهك البارح ولا سمعت من نصايحك شئ ! افى ..ليش ؟ !! لحَست مُخي بكلامك.. بس نزلتك وأدق عليه ابي استأذن على بالي الصبح حنا ! وش قلتله ؟ ! قلت : يا بوفلان انا مقدر اجي الشغل اليوم .. سيارتي تعطلت ومحتاج اوديها للمصلح! وافطس ضحك عليه .. قلت: عبدالرحمن..هاذي حتى (الحشاشين) ما يسوونها .. داق عليه الساعة 11 بالليل تقول سيارتك متعطلة ولا تقدر تجي وش قال مديرك يوم قلت كذا : قال : وقف سيارتك بأي محل ورح نام.. و اذا صحيت الصبح..خذلك تكسي.. والساعة (سبع) أول واحد اشوفه انت (دلخ) ..... تحياتي للجميع
__________________ . . يقولون من راقب الناس مات هماً .. لكني مت ضحكاً !