[مغتـــــرب]

المشاركة الأصلية كتبت بواسطة الاصيله

بنت الرجــــــــــــــــال

بنت الرجال تشوم عن درب الانـذال
وتبعد جنابـه عـن دروب الرديـه
=
ماهي في درب العشاشيـق تختـال
.ولاهو طموحه يـوم تصبـح خويـه
=
ولاهي بتشرى بشحن هاتف وجـوال
ولا لا ولاتشـرى بعطـر وهـديـه
=
ولاهي من اللي كل يوم ٍ لهـا حـال
وعنده من الاصحاب عشـره وميـه
=
اليوم مع هـذا بـلا شـك وجـدال
وبكـرى مـع هـذاك تعقـد يديـه
=
هذاك ترسل له من الحـب مرسـال
وغيـره معاهـا بالمسنجـر سريـه
=
تضحـك عليهـم واتغنـج وتحتـال
وهم ياحرام يجـون باجـزل عطيـه
=
احدٍ تبـي منـه أسـوار وسلسـال
واحـدٍ فواتيـره يـسـدد هـديـه
=
واحدٍ لها يحول ألـوفٍ مـن المـال
وتضحك وهي تقـول دينـك عليـه
=
وش ينفعـه لاقيـل بالأسـم رجـال
والبنت تلعب فيـه صبـح وعشيـه
=
(أنا اشهد انه لو لبس بشت وعقـال
ماجملـه بشتـه بعيـن اجـوديـه
=
ووش عاد لو هو مالك قصور واموال
واسمه مسجل شيخ وسـط الهويـه
=
الشيخ من بيتـه للاجـواد مدهـال
ماهو بشيـخ فلـوس لارحـم حيـه
=
وبنت الرجال اللي تعزوى بها رجال
عينه على الاشبـاه ماهـي شقيـه
=
مايشوق بعيونه سوى طيب الخـال
اللـي يدينـه مـن عطاهـا نديـه
=
(عينه على الطيب تناظـر وتختـال
ولد الرجال اللـي علومـه غنيـه
=
ولو كـان مايملـك بيدينـه ريـال
ويـده مـن كنـوز الدراهـم خليـه
=
يكفي ألى من مـر ذكـره بالامثـال
والكـل قـال ونعـم ياحـي حيـه
=
ألماسـةٍ ماكـل مـن هامهـا طـال
وكـل ٍ يبيهـا بـس ماهـي دنيـه
=
مصيونةٍ عن قـول حاسـد وعـذال
ومحشومـةٍ عـن درب ذم وخطيـه
=
تخاف من هرج ٍ يجي فيـه محتـال
حكيه شهد مدسوس في سـم حيـه
=
الطرف يغضي غصب لاشاف رجـال
والعيـن مالـه بالنظـر مقـدريـه
=
هي مهرةٍ مايعسفـه كـود خيـال
ذيبٍ سنافي عـز مـن هـو خويـه
=
حر ٍ شلع مابيـن هامـات وجبـال
لـه نظـرةٍ تـرث بالاعمـاق كيـه
=
على النقى يصبح لها فـي وظـلال
قـدام كـل النـاس ماهـي خفيـه
=
بوضح النهار بدون ريبه ولا اقـوال
الصـح واضـح والخطيـه خطيـه
=
هذي هي اللي تنشرى بغالي المـال
ويرخص لها الغالي وتشـرى يديـه
=
وهذي تساوي بعزتـه ألـف رجـال
وش عاد لو هـي بالمسمـى بنيـه
=
وهذيك ماتبغى ولـو مهـره ريـال
ولااحد ٍ يبيهـا كـود خبـل ٍ دهيـه
=
سبحان من هو فرق الناس با اشكال
وألوان وأفعـال ٍ وحسنـى وسيـه
=
ومثل مافيه رخوم بالناس و رجـال
أيضا بنات الناس (ماهـن سويـه)


.
.


م / ن
أتمنى اعجبكم
تحيتي لكم

الله واكبر عليش يا الاصيله


قمه قمه قمه

ابداع ابداع ابداع

صح لسان شاعرهااااا ملاييييييييييييييين


تسلم يدينش على النقل الرائع والمميز



سجلي اعجاااااااابي وتقبلي مروري