السلام عليكم ورحمة الله وبركاته
كيبورديه , إلى ولد خالي مع التحيه 
..
..
في ذمتي انك شاعر ٍٍ بطران
هذي شهادة حق ماهي زور
لامن طنخت تروض القيفان
ولامن ظهرت تنومس الجمهور
حبْك القصيده صارلك نيشان
و السبك و التجديد لك دستور
قصايدك لا طبت الميدان
تسبق و لا تضرب حديد السور
و إليا سمعها واحد ٍٍ زعلان
ما تاخذ ألا يبتسم مسرور
شاعر جزل مبدع وسيع بطان
تكتب من إحساس و فكر و شعور
تروي ظما اللي مسمعه عطشان
و تطفي لهيب الخافق المقهور
يا ما خذاني الصوت و الألحان
في عالم ٍٍ من عالمه مهجور
و حبي لك أصدق من شعور إنسان
يسعى لجبر الخاطر المكسور
أحمد يا بن خالد يا بن جوفان
في ساحة الشعار تملك دور
..
..
وسلامتكم