[بنت الوطن]

أخر ماكتب شاعر العرب :: عبدالله بن هويدي العدواني








هذي النادره , الجزله , المحمله بـ الرموز المخفيه خلف حروفها

باقي ثمان ايام من شهر شعبان=وتمسي شياطين القصيد معقوله

يدخل علينا ابو المكارم والاحسان=الي هل السنه تحرى حلوله

جعله لنا عتقن ورحمه وغفران=في يومن تخاف المخاليق هوله

يارب انا عبدك ومذنب وندمان=ونفسي من الزلات دايم جفوله

شعار مانملك سوى قاف ولسان=فلا تواخذنا بشين نقوله

نخطي بعض لحيان بالحكم واحيان=يخطا علينا والمنايا عجوله

نضرب بهاجوسن كما حد شامان=ونخلي نفوس اقبلانا زعوله

والمشكله لاجات من بين الاخوان=ترى الامور الكايدات محلوله

الرجل لامن جاه حجه وبرهان=للحق ماينقص مقامه مثوله

النقص والله كل مفسد وفتان=بين العرب كلن يلاحظ نزوله

يامن يوصل هرجتي لــــ....=الي علومه ماتناسب لزوله

لا يحسبني من دواديه زعلان=انا عنه بعد الجدي مايطوله

يبطي على الجره ويتعب وينهان=ماينفعه تمثيل دور البطوله

كديش ومسوي على العالم حصان=والناس تدري مير ماطق جوله

عنه وعن كل متخبط وتعبان=يكفيني ارجال الزمان وزحوله

اثنين عندي قدرهم عالي الشان=ساس الكرم والمعرفه والرجوله

عبيد بن مسعود وأبو صويان=بندر قبيله وأبو سلطان دوله