ذيب القوم
لا هنت على الوقفه السريعه للشاعره عابرة سبيل ( الله يرحمها).
وهى شاعره تعتبر أجزل وأفضل شاعرات جيلها .
ولها الكثير من القصائد اسمح لى اخوى ذيب القوم بإضافتها:
أنا عجوز مطلقه وأم ورعان =وأيضاً مدام وبنت وآنس وعانس
أنا بدويه وعايشه عند حضران=وبنت البحر وأبوى زارع وغراس
أميةٍ ما تعرف حروف وألوان=وتلميذةٍ دشّت جميع المدارس
ظفره وخبله,عاقله , فىّ نقصان=شرود وانطح لى ثمانين فارس
خلونى أعيش العبره دون عنوان=طيفٍ يمر بلا رقابه وحارس
ولها فى القصائد الفكاهية ايضا بعض الابيات :
جا يعيرني يقـــــــول انتي متين = حلقك المفتـــــوح لازم نغلقه
هيـه يادبّــــــه لـــــزوم تخفّـفين = والا اثوّر فيك عشــرين فشقه
وفي رجيمـي استمريت سنتين= جدي اللي مات قاربت الحقه
ويش رايـك ؟ قلتها بصـوتٍ حزين = قال دبّـــــه وانقـلبتي لسلقه
لعابرة سبيل حبيب خبل حيث يعجبها خبال حبيبها وتشتاق له وتقول :
ياخبلي الغايب متى تردّ للعين=متى أشوفك أو تجيني رساله
صحيـــح بالدنيا خبــــولٍ كثيرين= لكـــن خبـــالك ياحياتي لحاله
تحياتى لكم