شوسه بقول لج موقف فاقع مرارتي من امس ..مادام حنا في طاري الزواج وتصرفات الزوجين .. شوفي امس بعد ما طبيت الكويت قلت خل امر على الافنيوز باخذ منه شوية اغراض على السريع وانا طالعه .....المهم رحت الدور الثاني بالمجمع ودخلت محل لاسينزا >>>>اظن البنات عارفين وش يبيع المهم وانا غاطسه بين الاغراض ولا تدخل وحده متغطيه من فوق الين تحت مايبين منها شئ تبارك الرحمن ويدخل وراها زوجها ملتحي ولحيته واصله الين بطنه انا بصراحه اتضايق لما يدخل رجال محل خاص بملابس الحريم فما بالك في لاسينزا اللي يبيع ((.................)) .....المهم انا طالعته بنظرات خايسه عشان يحس ويطلع من المحل اللي فيه فوق العشر حريم وشغله خاص خاص خاص بالحريم ..وتصدقين ولاهامه وفوق هذا كل مارفعت عيني لقيته يبصبص علي ولا على وحده من الحريم وهم موحاسين فيه . طبعا هذا ولا شئ من اللي راح اقوله لج اللحين ....دخلت نيباليه او اندونيسيه المحل ومعاها طفل رضيع بو أشهر وعرفت انها تبع الملتحي ومرته الغافله عن سوالفه ...شوي وانا احوس بين الاغراض وعيني عليهم تخيلون شنو شفت؟؟ لقيت الخدامه تسحب طرف الملابس المعلقه والزوج المتدين منزل يده جنبه بس يأشر بصبعه السبابه ب لأ وهو واقف جنب زوجته المسكينه اللي حاشره راسها بين الاغراض عشان تشتري شئ يرضيه ..وترد مره ثانيه وثالثه ورابعه تسحب طرف الملابس عشان تراويه شكلها على الخفيف وهو يأشر بالخفا بلا ..بالاخير لما اسحبت واااااااااااااااااااااااحد تحفه صراحه انا دخل مزاجي ابتسم لها ابتسامه خفيفه يعني موافق ...المهم قومي يالخدامه واخذي الملابس وعطيها وحده من هالفلبن اللي يطحسن بالمحل ومدري وش قالت لها بأذنها وحطته على جنب طبعا الزوج طول الوقت يلهي المره بالقرقه على راسها عشان ما تنتبه للخدامه ....لحد اللحين انا صايره برج مراقبه لهم مره من ورا الملابس ومره من ورا الماني كان ومره من ورا العامود اللي بالمحل المهم شفت الخدامه اطلعت قبلهم ولا الرجال يزأر على مرته يقول لها روحي شوفي الورع وين راحت به الخدامه عجلي يالله !! والمسكينه تطير من المحل وهو بسرعه يحاسب ملابس مرته ومعاهم القطعه اللي اختارتها حبيبة القلب الخدامه ويدحس كيس القطعه مالت الخدامه بكيس المره ...ويطلع من المحل طبعا بعد ما فر بنظراته على الحريم اللي موجودين بالمحل ووزع له كم ابتسامه يامال الماحي....طبعا انا قلبي يغلي من اللي شفته رحت وشفت سعر القطعه طلعت ب45 دينار كويـــــــــــــــــــــــــــــــــــــــــــــــ ـــــــــــــتي وش رايكم بفقعت المراره؟؟
__________________ * * * *