السلام عليكم ورحمة الله
ومبارك عليكم الشهر .,
مانيب طيّب لي ثـلاث اربـع شْهـور=صاير حزين , وعاطفـي , وانعزالـي
آخر سَنهْ .. فيها الحزن شعْر وشْعـور=ماكنّهـا ضمـن السنيـن التـوالـي
في غربتي ماينوجـد للأمـل .. نـور=والا عــلاج لضيقـتـي وانفعـالـي
قاطـع وشرهـات الرياجيـل بالـدور=مايعْرفون اني مع النفسْ .. جالـي .؟!
صدّيت واللـي فـي حنايـاي مستـور=في داخلي , واسراري أغلـى حلالـي
تاخذنـي الايــام وتـلـف وتــدور=وسود اللّيالـي عقـب بيـض اللّيالـي
جنّبت .. وادري يـوم جنّبـت مجبـور=وأرخصت لي ( غالي على شان غالي )
وان كانّـي ضعـت وتشتّـت معـذور:=قلبي جنوبي مير صـدري شمالـي .!