اقتباس:
المشاركة الأصلية كتبت بواسطة عبـق أجدادي
السلام عليكم ورحمة الله وبركاته
مضروب
قسما ً بالله يامضروب كان عندي إحساس مشابه لإحساس يعقوب بنجاة
يوسف إنك إنت " عجمي . كوم " لكن حسيت إني بتطفل لوصرحت
بأحد الردود إنك إنت نفسه عجمي . كوم وإرتأيت إني أتركها
للفرصة المناسبة
" عجمي . كوم " كنت أحرص على الرد بمواضيعه دايم
لأني معجب جدا ً بطرحه وفلسفته وإفتقدته لما إنقطع عن المنتدى
حتى رحت وكتبت رد بموضوع " الأعضاء الغائبين " اللي بالضيوف
وسجلت باسمه هناك حضور
توقعت لك أكثر من أسلوب مبدع حتى أول مواضيعك بالضيوف
رديت عليك هناك ورحبت فيك وترى مو أي عضو أرحب فيه بالضيوف
لأني كانت لي فيك نظرة سبحان الله وصدقت
أنت مثل الألماسة لها أكثر من وجه وجانب
وكل جانب فيه إبداع وتميز وحضور
على فكرة أنا مطلع الأهل شاليهات وبحر ووناسة
والإنترنت غير متوفر وضعيف لكن حرصت أسجل حضور
وتواجد بصفحتك وأباركلك اللون الذهبي اللي تزهاه
باسلوبك وحضورك يامضروب
كل عام وأنت بخير
ومبروك عليك الشهر الكريم
دمت بود |
الله يبارك فيك ويعطيك العافية ويبيض وجهك دنيا وآخره
انت معرفتك امارة ...واعجابك شرف واربح تجارة.. وزعلك غلط واكبر خسارة
قسماً بالله مصدقك من دون حلف ..
..
وعلى طاري تسجيل حضورك في (الاعضاء الغائبين) ..يمكن صار عقب فقد الأمل !
لأني جلست فترة كل ما اجي المنتدى (كمتفرج)
مغير اشيك عليه اشوف احد ذكرني ولا جاب طاري
وبعض المرات ادخل بالمعرف اشوف فيه مسج خاص او شئ..
وقول لنفسي في الآخر وانا مبتسم
يا رجال محد درى عنك ..رح شف شغلك بس
حتى مره شاركت بالغلط..على بالي خاش بمضروب..ورجعت وسجلت بمضروب المشاركة
وانت لاحضت الشي ذا..ورحبت بقلمين مبدعه..غابو من المنتدى ويزيدون الموضوع رونق..وهم عجمي ومضروب..الي هم (انا)
وصدقني الي خلاك تنشد عني اهو نفسه الي خلاني ارجع بعد ما اخترعت (مضروب)
قلت في البداية .. ماراح اقول لأحد من انا .. شكلها بايخ !
وفكرت اني اطلع بسلوب ما افقد فيه نفس الذوق . لأن ذوقك في الكتابة اهو الي يحدد متابعينك
وكنت اكثر واحد احرص على ذوقه اهو انت
في نفس الوقت قلت لازم بعد اشوفلي اسلوب جديد ممتع يعطي حيوية ونشاط لأي طرح
ويكون فيه امتاع لجميع الاذواق !
والحمدلله .. طلعت بـــ(مضروب) واعتقد نوعاً ما اني نجحت !
والدليل كلامك
وبما ان الموضوع احسه تحول الى دراما مسلسل ممل لاصدقاء فرق بينهم الزمن
راح تكون هذي اخر مشاركة لي بمعرف عجمي
ويشرفه ويشرفني انها تكون بكلمات موجهه لك
....
تذكر مره قلت لك بمعرف ..عجمي .. (مادامك موجود انا موجود)
في موضوع (في ضيافتنا) قطيت تلميحة
..ارجع للرد حق البيض
وشفه..يمكن منتبهت
...
على العموم اقولها لك مرة ثانية وامام الملأ
طول منت عضو في منتدى قبيلة العجمان .. تأكد (ما دامك موجود انا موجود)
واذا صدف وكتبت شئ اعجب احد فواجب عليه يشكرنا سوى
واذا الله (سبحانه) شاء وتركت المنتدى .. تأكد اني وراك على طول ولا يهونون باقي الاعضاء
لكن ارجع وقول الي رجعني المنتدى احترامي وتقديري لاعضاء قليل جداً
انت شيخهم وشيخي .. واذا راح الشيخ ضاعت القبيلة وانا اولهم
انتهى عجمي ..لأن الكلام اعلاه يخص عجمي فقط وليس (مضروب) إلا :
سالفة (مادامك موجود انا موجود)
........
مضروب
متابعتك لي اخي عبق اجدادي تسوى عندي اي مسمى او اي لون
تحياتي وترى الشهر الفضيل ماراح تكون مشاركاتي الا في الخيمة
وراح اجتهد اني ما اقول الا ما يرضي الله واسأله الجزاء عليه
مشاركتك تزيد الموضوع رونق وتزيده فائدة
لا تبخل على اعضاء المنتدى
تحياتي