بما أني واحده من المخولتين على الهذره والبربره بالموضوع بأمر من صاحبته...فأبتدي بالتنبيه الآتي :
شوفوا ياعرب اللي يكتب رده او مناقشته على الموضوع بنهايه كلامه يشخبط له شخبوطه يختار فيها منو يرد عليه إما الأخت وتين أو أنا هولاكو العنوز
وذلك منعاً لتكرار التعليق على مشاركاتكم ولضمان سلامة قواكم العقليه من تداخلات تعليقاتي انا ووتين
اختي بضحكتي غصه ....شكرا على النقل لموضوع نقووودة لاجل التوضيح .
كلامج صحيح والنوعيات اللي انتي ذكرتيها فعلا موجوده بحياتنا وبشكل مثل الهم على القلب .
وانا اشوف الرجال اللي يضرب المره لمجرد اثبات رجوله ...أحسن له يملط شاربه ويحذف له قطعة علكه بفمه اللي قد البالوعه اقصد البلوطه
ويدخل له دورة لتعلم فن وضع صبغ الورنيش (( المكياج )) عند محلات m.a.c المعموره
>>>>>>>لأن في مثل يقول:
(( ما يناحي المره الا مره مثلها )) لغير الناطقين للهجه المكسيكيه البدويه
يعني ما يناشب المره بالكلام وقلة العقل الا المره اللي مثلها ...فما بالك باللي تجيه حالة التباس بالشخصيه ويظن نفسه الحجاج بن يوسف وهات يا اسلوب (( إني ارى رؤوسناً قد اينعت وقد حان قطافُها ......بدون سنع !! ))
اما المكمخات اللي يسكتون عن الضرب بدون سبب لاجل المحافظه على العش الهادر مش الهادي ...فنقول لهم في بعض الاحيان الله مستعان وفي اغلب الوقت نقول لهم : في موقع بالنت يعلمج كيفية صنع قنبله مولتوف صناعة يدويه بيتوتيه ..انتي بس طقي search وبتنفتح ابواب جهنم عليه وعلى اللي خلفوه
تصدقين انا معاي وحده بالدوام الصباحي (( بالمدرسه )) تعاني من مرض الساديه !! تحب تكون في موقف : المرأه زي الكوره اصفقها بالطوف ترد لك تركض !!....تقول طول اليوم وانا ازأر بالبيت وبالشارع وبالجمعيه وبكل حته من حتت ربنا
وما يقطع ارسال زئيري المجروح الا خف البعير مال زوجي (( يده المجكنمه )) >>> واااااااضح من الوان قوس قزح اللي بوجها
...لما قالت لي هالسالفه اركبتني بعيد عنكم ام الحمير وضربت عندي التناحه مع اللقافه واصريت اعرف شنو المتعه اللي تلقاه لما تصير كيس ملاكمه؟؟
ردت على احس برجولته على
انا لا شعوريا قلت لها وهو يحس بحموريتج عنده
شكراً حبوبه وخل نشوفج دايم.