السلام عليكم ورحمة الله وبركاته
هذه محاوره جرت في 1 / 10 / 2009 م (( حصرياً )) في منتديات العجمان وقبائل يام ،،
وهي بين / سلمان بن ضيدان بن فلاح العجمي ،، ( أنا 
)
والشاعر / مناحي بن فهد بن احماده العجمي ،،
.
.
سلمان بن ضيدان :
سلام الله سلامٍ ياصلك يمناحي البيطار=سلامٍ ياصلك وامعطّره بالمسك والكادي
ليا حان الوعد نعطي لأوادم حق بأم عيار=وعقبه تنتشر يا صاحبي فالنت والرادي
مناحي بن احماده :
هلا يامرحبا ترحيبتن تصرف مع الدولار=يطيح الين واليورو وهو يصعد ويزدادي
ترى مالك حقوق عند خلق الله يابو عمار=انا ماني بقايل لك ياعنتر يابـن شدادي
سلمان بن ضيدان :
لعلّك للبقا ياللي نطحت الفـارس المغـوار=نطحته وأنت ساري من ديار العز مـدّادي
أنا خابرك يمناحي تجيب العيد بعض أمرار=ولكن أحذر أحذر لا يصيدك كـل نقّـادي
مناحي بن احماده :
توكلنا على الله واحتزم للدرب والمشوار=تراني لو يطول الدرب ماحول من شدادي
انا لو اخذ البصره اكيد بتزعـل الانبـار=ويجوز انه بعد يزعل مع الانبار بغدادي
سلمان بن ضيدان :
ترفّق لا تهوّر و انتبه تشرب ترى الما حار=على ظهر المطيه تدّرج سـرداد مـردادي
تقوله وانت في هيبة ملوكٍ يحكمون الـدار=أنا بنشدك وش فاد الملوك الملح والـزادي
مناحي بن احماده :
من اللي زعلك يومك زعلت ويوم زندك ثـار=وانا خابرك رجالـن حليـم وطيـب وهـادي
خذينا الكاس وانت تشوف ياسلمان عشر امرار=عسى ربي يبارك بالفريـق وريـس النـادي
سلمان بن ضيدان :
على هونك ترى الدنيا صغيره و العلوم كبـار=ومن يزعل ترى ماهوب عجمي من هل الوادي
عسى ربّي يعينك حطّك الله بين نـار و غـار=تقول اللي تقوله منت واصل ربـع الأمجـادي
مناحي بن احماده :
علومك كلها برد وسـلام وأمـن واستقـرار=صحيح الاجودي دايم يجي من بيت الاجوادي
وانا ماودي اكشف سركم وتبيـن الاسـرار=أبيك تروح في وادي وانا بـروح فـي وادي
سلمان بن ضيدان :
انا ما ودّي اخطي و الخطا عند النشامى عار=ولا ودّي على خالي أقـرّب ثالـث أعيـادي
أنا كنت احسبنّك شاعرٍ تصرف ذهب الاشعار=ولكن الحقيقـه واحـدٍ قنّـاص مـا صـادي
(( دمتم بخير ))
أخوكم سلمان بن ضيدان ،،