مر شهر على الاحداث ... والوضع من اروع ما يكون ...
فواز راح العمرة مع رؤى ... نواف مبسوط مع هبة وطاير فيها ... ربى ثقلت في حملها ... لينا مبسوطة بحملها وخالد مراعيها للاخر ... تركي لسه ما رجع من شهر العسل وباقي على رجعته كم يوم ...
بيت عبدالعزيز ...
الصبح عالفطور ... الكل جالس وياكل بسرعة لا يتأخر عالدوام ...
منيرة: نوااااااااااف
نواف وعينه ما تنفتح: هلا يمه
منيرة: ليش شكلك كذا؟؟؟
نواف: فيني النوم يمه
عبدالعزيز: يعني نواف ايش فيه بالله عليك؟؟؟
نواف: يبه انا خارج منطقة التغطية ... بالليل اتفاهم معك
عبدالعزيز: هههههههههههه دومك الصبح خارج منطقة التغطية
منيرة: طيب نواف ... انا اليوم عندي مشوار؟؟
نواف: والله يمه لسه ما غيرت اسمي ... اسمي نواف مو سواقكم اللي برا
منيرة: قلييييييييل ادب ... في احد يقول لامه كذا
نواف: يمه انا اوديك من عيوني ... بس الوالد ما يسمح اطلع من الدوام
عبدالعزيز: ما ادري مين اللي حاط اعتبار للوالد؟؟؟
فواز: ابشري يمه ... انا اوديك ... امري بس
منيرة: لا المشوار هذا كنت ابي نواف يوديني ... بس اذا ما يبي ... خلاص السواق يوصلنا
عبدالعزيز: وين رايحة عالصبح؟؟؟
منيرة: بروح بيت يوسف اسلم على زوجته شوي
نقز نواف: ابشرررررررررررررري يمه ... اوصلك لو على ظهري
الكل: هههههههههههههههههه
منيرة: لا خلاص .. شكرا ... سواقي موجود
نواف: يمممممممه ... تكفين؟؟؟
ليان: وانت وين راز وجهك؟؟؟ هبة في الجامعة
نواف: انتي اسكتي ومالك شغل ... يمممممممة تكفين؟؟؟
منيرة: ما في ... خلص اكلك وروح لشغلك
بيت يوسف ...
ام سالم ... زوجة يوسف وام هبة ...
ام سالم: حيا الله ام ... هو انتي مين اكبر عيالك؟؟؟ نواف ولا فواز؟؟؟
منيرة: توام يام سالم
ام سالم: بس مين الكبير
منيرة في خاطرها: هو انا اعرف مين الكبير
منيرة: فواز
ام سالم: يعني ام فواز ... حيا الله ام فواز
منيرة: الله يحييك
ام سالم: الله يالدنيا ... من يقول ولد عبدالعزيز ياخذ بنتي
منيرة: فعلا الدنيا صغيرة ... بس حتى لو كنتوا ساكنين بعيد عنا ... بس احنا اهل
ام سالم: فعلا اهل ... بس الغريبة ان ابو زوج بنتي يحرم لي ... الصراحة اول مرة تصير
منيرة باستغراب: يحرم لك؟؟؟
ام سالم: ههههههههههه ... صح عمره ما سلم علي ولا اعرف شكله ... بس يحرم لي
منيرة عيونها طلعت: شلون يحرم لك؟؟؟
ام سالم: ليش انتي ما تعرفين؟؟؟
منيرة: اعرف ايش؟؟؟
ام سالم: ان سارة زوجته الاولية بنتي من الرضاع
سكتت منيرة شوي وكأنها تفكر ....
وفجأة صرخت: اييييييييييييييييييييييييش؟؟؟؟
ام سالم استغربت من ردة فعلها ....
منيرة بتوتر واضح: ممكن تشرحين لي شوي بالتفصيل؟؟؟؟
ام سالم بربكة: والله اسفة يا ام سالم اذا ضايقتك بسيرة ضرتك ... بس مهما يكون هذه بنتي ... وسارة عزيزة علي
منيرة: ام سالم ... ابي افهم ... مين بنتك وبالتفصيل لو سمحتي!!!
يتبع