وعليكم السلام يا صوت الحرف
وانشالله ما يقصرون الاعضاء
وهاذي احد قصائده
قال
الشاعرسالم بن خرمان العجمي
يامن يقرب لنا عوج المصاليبي
وخلو سهيل بسمرا الجيش ماريه
ارب ركب النضا يبرد لواهيبي
حيث ان عيني لنجران شقاويه
وانا على فاطر لي يوم تدويني
كناها من الصيد لاذارت وضيحية
جذرا الفخذ مااعتبيت الها المشاعيبي
ومقطب من فوقها الكيفات نشميه
خرج جديد وكيفات تعاجيبي
وشديد مادير الورك راعيه
لاروحت بي مع خطو اللها بيبي
ألعب لها لعب جهال الهلالية
واليا رفعت العصا والصوت ياشيبي
تدوي منا السبع في حزة معاديه
خمسة عشر وجبتٍ في الجو تدويبي
تسرح وتمسيبي الفطر خلاويه
ماخايلت عينها نشر المعازيبي
ياما حلا البيت تبنيه السنافيه
يالله بعقب الصلف قرم يهليبي
ماهو يحسب مخاسيره ولاشيه
قد حن على ضيفه المشكل مواجيبي
لو كان مابه سوى مامد ماليه
اللي اليا مرته بيض المحاقيبي
راحن وارقابهن بالدم ممليه
يافاطري لالويت الورك هجيني
هجي هجيج القطا في يوم هيفيه
يافاطري دون أهلنا فرجة الذيبي
إما مسير الشهر والا حراويه
لعل عظمش مجارٍ ومن اللسابيبي
قدذا الشهر ثالث وأنت شقاويه
وموسم فوق كتفش بالعراقيبي
والبشت يافاطري راحت ملاويه
عقب الشحم غاربش كنه قرا الذيبي
ومعذرش مستدقٍ بالعمانيه
من عقب الشماله قد حنا مجانيبي
من دار هجر نبي سنح وحريه
الله يثني عليكم يامعازيبي
ودياركم جعلها بالغيث مسقيه
غربت وأبطيت في ديرة الأجانيبي
في بيت أبو فيصل ريف الخلاويه
ان اقبلت فاطري لي هو يهليبي
وان دبرت قال لي يا مسعد النيه
يالله عسى عارضه يبدا به الشيبي
كم مجرمٍ زينه عامين وأضحيه
شيخٍ مورث شيوخٍ ترذي النيبي
أهل صحون تملا في المعسريه
له منزل في البيان من القنا تيبي
زيزوم بدو ولا ينوي لشاويه