السلام عليكم ورحمة الله وبركاته
يــا سعــود زانت بــالـمطــر طلعـــة البر
حـــدد لنـــا يــا طيب الفـــــال مكشات
شفـي علـى الشعبــان والروض الأخضر
وجــوا تجمّلــه المــــزون الثقيــــلات
الروض في {ليلى} بـــه العشب مـــزهر
منظـــر طبيعي مــا أخلتط مزهريات
وريح الخزاما بـ{المتاهه} لهــــــــا سر
فيـــه أم سالم غردت عذب الاصوات
فــي خــايعــا فيـــــه النظــر منطلق حر
أشب ضـــوي وأنتهــز حلو الأوقات
وأزل بــــدلالــــي مــــــن البــن الأشقر
فنجال يغــــدي ما براسي من أهات
ونجلس نســــولف والمشاعــــــر تجمهر
أرشــاد وألغازا وحلوات الأبيات
والصيـــد يطبـخ والمشاوي على الجمر
وغبـــوقنـــا عقب العشا در خلفات
هـــذي حـــلات البر يـــا عــــاشق البر
بعيـــد عـــن جـو البلد والعمارات
يـــا سعـــود رد العلم لا تخفـــــي السر
يـــا زين جو البر في كل الاوقات
يآآسلام لا هنت ع النقل الطيب
لا خلاو لا عدم
تقبل حضورى المتواضع