يا سعود لا تشكي من الهم والضيـق
افـــرح وخـــل الـهــم يـاسـعـود لــيّــه
شفـت الهمـوم الـلـي تـجـي للمخالـيـق
الـبـارحــة هـــــم الـمـخـالـيـق فــيّـــه
يــا سـعـود هـمـي يجـتـول بالمعـالـيـق
يـــا راح مـنــي هـــم وصـــا خــويــه
يـا زاد همـي جبـت بـعـض الطـواريـق
وجريـت انــا المسـحـوب والسامـريـه
شـاعـر ولا لـــي بالـسـعـاده تـوافـيـق
دايـــم حـظـوظــي بـالـسـعـاده رديــــه
همي اشيله فـوق صـدري كمـا طويـق
والا انــت هـمـك بـيـن روحــه وجـيـه
يا سعـود لا تعـدّي بـروس الشواهيـق
تــوّك صغـيـر وتـــو روحـــك طـريّــه
من الحين تشكي الهم ياسعود والضيق
وشـلـون اجــل لا زاد عـمـرك شـويـه