البارحة .. كنتـي هنـا .. مرتابـه
يا كثر ما قلتي لي : « ليه معصب » ؟!
وانا مسـوي انـي مانـي آبـه !!
يعنـي تغلـي .. ولا انـا متعـذب
واليوم .. مات الوصل في محرابـه
شرّقت .. والحـظ السعيـد مغـرّب
قلبي يا اغـلا ويـا اعـز احبابـه
من يوم فارقتـك .. وهـو متغلـب
على شفاة الشـوق عـض بنابـه
وعن درب حزنه ما استطاع يجنـب
كنه اليتيـم اللـي جفـوه اقرابـه
او كنـه السكـران لامـن غيـب
ما دامنا فـي كـل شـي نتشابـه
صعب نتلاقي .. وانشـدي المجـرب
بس اسمعي شعري وهـاك عتابـه
تذكرينـي فيـه يــوم اشـيـب
واذا سألتيني الهـوى وش جابـه ..
بقول يـا حـزن المحبـه .. قـرب
( لا تنشدين العشق / ويـش اسبابـه
الا انشديني العشق / وشهو مسبب ) !