مسيـت بالخيـر ياشفـي ويـاذوقـي=يامكسبـي فالغـرام ومصدراشواقـي
القلب هو منزلـك ودروبـك عروقـي=في كل عرقن لرجلـك موقـع تلاقـي
وان ضقت من قلبي اطلع منه الموقـي=يعني مكانك مابيـن القلـب واحداقـي
يالـذه العشـق ياطبـي وياعـوقـي=ياوردة ماغفـل مـن ريهـا الساقـي
من يوم لقياك يمـك مابـرد شووقـي=ولا تهاونـت فـي عهـدي وميثاقـي
يمبيك عن شوقي اسلوبـي ومنطوقـي=واكبر الادله لاشفتك زانـت اخلاقـي
هاك اكبر حقوقك وهات اصغر حقووقي=لاكنك احـذر تخيـب هقـوة الهاقـي
يتـل قلبـي علـى طاريـك معلوقـي=وافز له وارتكز علـى عظـم ساقـي
واختار جزل الغزل واجـر طاروقـي=وراجـع الذاكـره وارتـب اوراقـي
واقول محدن من العشاق مـن فووقـي=دامك معي ياسفير المستـوى الراقـي
هذا وانا يكفي مـن رعـودي بروقـي=ياحظي من الغـرام وقسمـي الباقـي
مادمت بين العذارى صرت معشوقـي=ارحب على الحرام انها مـن اعماقـي
يلعب لك القلب مـن فنـي وطاروقـي=العب له احلى طروقك واترك الباقـي