حنين يا خلي وأنا لا ثار في صدري حنين ... قمت أحبس الدمع وأكف الملح وأقرض شفتي
مديت يدي للسلام وقلت ياسرع السنين ... وأرخيت جفني للسما والغيم رجح كفتي
الدرب : علمني أجي محتاج وأرجع حزين ... والحب: علمني أطير لك درايش غرفتي
ماقلت لك إن راودك شكك تعوذ باليقين ... وإن ضاقت أنفاسك عليك الشمس تسرق وقفتي
يعني إذا خليتني بربك تخليني لمين ... ويلك يا ظالم ماتخاف الله وترحم رجفتي
لا إنت بينت وأنا للحين موقادر أبين ... أنا إختفيت بلهفتك أنت إختفيت يلهفتي
مابيك تظهر من وراي القسوه وبوجهي تلين ... أبيك لامنك غرقت فبحري تحضن ضفتي
البعد ناحل أنت مثل البعد لكنك بيدين ... ماهمك إني ناطرك والبعد قطع شفتي