ليلي اللي جاب همّي بين شكل وبين لونا = وابحرت فيني همومي والبحر من غير مينا
ضاقت الدنيا العريضه وامتلى صدري حزونا = بس ياحزن الليالي بس واللّه اكتفينــــــــــا
يانجوم الليل وين اللي له الدنيا تهونا = صاحب ٍ حبّه تملـّك داخلي قلــب ٍ حزيـــنـــــا
لاخبر منـّه بعد عــّّذالنا مافرقونـــــــا = لاجـزّالله في فراق ٍ ســبــبّــوه العــاذلينــا
لارسايل لازياره لامواصل شتتونــــا = واتركونا بالليالي هايميـن ٍ ســــاهـريــنــا
بعـّدونا عـن بعضـنا دون غايه واحرمونا = اجرموّا حسـبي عليـهم واهلكونـا بالحنيـنـا
واعسـا العـّذال تفنا جعلهم مايكثرونــا = جعلهم بأسفـل جهنـّم كلـّبوهم بـايـتـيـنـــا
هـم سـبـب فرقـى الحبايب بالمواصل يقطعونـا = كـم وكـم عشـّاق راحوا مـن سبـبهم ميـتينــا
بـس أبصبر وآترقـّب للحبايب يرجعونا = بالغلا واسم المحبّه والمواجع صــابريـنـــــا
لاجل عين اللي صفالي بالمحبه مايخونا = حالف ٍ لنطر رجوعه لو بعد عشرة سنيــنــــا
وانت يانجم الليالي لاوفيت أم العيونا = قول حنـّا ناطرين وذاكرين ومانــســيــنـــا
قلّها مامن كلف مامن قسا كلّه ليونا = وطالبك تخفي همايل دمعنا يوم ٍ بكيـنا
وسلامتكم
الشــــاعر/ ســـعود رتيبان الجويّر