كني سجين بين..افـراج ..واعـدام
وكنك سجن وانـا بنفسـي بنيتـك
تنبيك عن حالي محاصيـل الالهـام
وتخبرك نظراتـي نهـار التقيتـك
عقب الوصال اللي على عين من لام
قدهو يكفيني عن الوصـل صيتـك
وقدني الى مريت بالشـارع العـام
لديت من ما في الضميـر ودعيتـك
ادري ان صوتي ماقطع عشرة اقدام
وادري بي اعود الى مـن نصيتـك
ياشينهـا يامحنـيٍ راس الابـهـام
ماقدر على شوفك وانا عنـد بيتـك
الاعمار ما تضمن وانا اخاف الاحكام
ارثيك واخـاف اودعـك مـا رثيتـك