يا رحلتي يا فرحتي يا حناني
الى متى والحب ما تفهمينه؟
انا صباحي جرح وانتي اغاني
ماقلتي المجروح ويني و وينه؟
طيفك عبث فيني وحاصر مكاني
وقلبي بكا لك ظلم بينه وبينه!!
جيتك على درب الامل والاماني
ونسيت كل الذكريات الحزينه
عاشق وصمته يختنق فالمحاني
والدمع من عينه ملا راحتينه
ياقاسيه لو كان قلبي اناني
ما كان شفتيني حزين المدينه
محتاج لك مثل السفن للمواني
ومثل الغريب الي يهزه حنينه
حسي بحرماني ولوعة زماني
تعبت من برد الغياب وسنينه
يا غايبه شوفي قصيدي قراني
وماني بمستغرب من دموع عينه
انتي نسيتيني وقافه بكاني
وقلبي بكا لك ظلم بينه وبينه!!